The news is by your side.

Advertisement

بھارت کی گھناؤنی سازش، او آئی سی رابطہ کمیٹی برائے جموں کشمیر کا ہنگامی اجلاس طلب

جدہ: بھارت کا اصل چہرہ بے نقاب ہوگیا، مقبوضہ کشمیر کی مسلم اکثریتی علاقے کو اقلیت میں تبدیل کرنے کی گھناؤنی سازش پر او آئی سی رابطہ کمیٹی برائے جموں کشمیر نے ہنگامی اجلاس طلب کرلیا۔

تفصیلات کے مطابق اسلام تعاون تنظیم (او آئی سی) کی رابطہ کمیٹی برائے جموں کشمیر کا ہنگامی اجلاس طلب کیا گیا ہے جس میں بھارت کے حالیہ اقدامات زیرغور آئیں گے۔

بھارتی اقدام سے مقبوضہ کشمیر میں پیدا صورت حال پر تبادلہ خیال کیا جائے گا، مقبوضہ کشمیر میں انسانی حقوق کی مسلسل خلاف ورزی پر بھی غور ہوگا۔

ذرایع کا کہنا ہے کہ اجلاس میں پاکستان، سعودی عرب، ترکی، آزربائیجان اور نائیجر کے نمائندے شریک ہوں گے۔ بھارت مذموم مقاصد کے ذریعے کشمیر میں جدوجہدِ آزادی کو دبانا چاہتا ہے۔

بھارت کا گھناؤنا منصوبہ، آرٹیکل 370 کی منسوخی پر اقوام متحدہ کا اظہار تشویش

بھارت کی جانب سے مقبوضہ وادی کی خصوصی آئینی حیثیت کے خاتمے پر عالمی رہنماؤں نے شدید تشویش کا اظہا کیا ہے۔

خیال رہے مقبوضہ کشمیرمیں صورتحال انتہائی کشیدہ ہے ، کشمیریوں پر زندگی تنگ کرنے کیلئے مزید اڑتیس ہزار فوجی تعینات کردیئے ہیں اور لوگ گھروں میں محصورہوکررہ گئے، کشمیریوں نے کھانے پینے کی اشیا، دوائیں اور پیٹرول جمع کرنا شروع کردیا، اس دوران لوٹ مار کی وارداتوں میں بھی اضافہ ہوا۔

کشمیری رہنما محبوبہ مفتی،عمرعبداللہ اورسجاد لون سمیت دیگر رہنماؤں کوبھی نظربند کردیاگیا ہے اور مقبوضہ وادی میں دفعہ ایک چوالیس نافدکر کےوادی میں تمام تعلیمی اداروں کو تاحکم ثانی بنداور لوگو ں کی نقل وحرکت پربھی پابندی عائد کردی گئی ہے۔

Comments

comments

یہ بھی پڑھیں