site
stats
پاکستان

او آئی سی کا کشمیر میں جاری بھارتی مظالم پر اظہار مذمت

قاہرہ: اسلامی تعاون کی تنظیم او آئی سی (آرگنائزیشن آف اسلامک کنٹریز) کی جانب سے کشمیر میں جاری بھارتی مظالم کی شدید الفاظ میں مذمت کی گئی ہے۔

اسلامی تعاون تنظیم کے سیکریٹری جنرل ایاد امین مدنی نے ایک بیان میں کہا ہے کہ کشمیر کی آزادی کشمیریوں کا بنیادی حق ہے جس کو دبایا نہیں جا سکتا، بھارتی فوج نے کشمیریوں پر ظلم وستم کا بازار گرم کر رکھا ہے اسے روکنا ہو گا۔

کشمیر میں بڑھتے مظالم کی مذمت کرتے ہوئے انہوں نے کہا کہ او آئی سی کشمیری شہدا کے لواحقین کے غم میں برابر کا شریک ہے، مقبوضہ کشمیر کے اسپتالوں میں آنسو گیس کی جارہی ہے جو انسانی حقوق کے خلاف ورزی کی انتہا ہے ،بھارت انسانی حقوق کی خلاف ورزی فوری بند کرے۔

او آئی سی نے تشویش کا اظہار کرتے ہوئے کہا کہ عالمی برادری کو کشمیر میں ظلم و ستم اور ہونے والی شہادتوں کی شفاف تحقیقات کرنا ہوں گی، انسانی حقوق کی خلاف ورزی پر کسی قوم کی معافی نہیں ہونی چاہیئے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top