قدرت پاکستان پر مہربان: تیل وگیس کے شعبے سے اچھی خبر آگئی

بنوں: پاکستان کیلئے تیل وگیس کے شعبے سے اچھی خبر آگئی, تیل وگیس کے دریافت ذخائر میں مزید اضافہ ہوگیا۔

 ترجمان ماڑی پیٹرولیم کے مطابق بنوں ویسٹ بلاک میں تیل وگیس کے دریافت ذخائر میں مزید اضافہ ہوگیا ہے، گیس ذخائر 25 ایم ایم سی ایف ڈی سے بڑھ کر 50 ایم ایم سی ایف ڈی ہوگئے ہیں جبکہ کنویں سے300 بیرل یومیہ تیل بھی دریافت ہوا ہے۔

ترجمان نے کہا کہ ماڑی پٹرولیم دریافت کو  پیداوار میں لانے کا منصوبہ بنارہی ہے، کمپنی سوئی نادرن گیس پائپ لائنز لمیٹڈ کیساتھ کام کررہی ہے، سوئی نادرن کنویں کو نیشنل گرڈ کے ساتھ منسلک کرے گی۔

خیال رہے کہ گزشتہ برس بلوچستان کے ضلع کوہلو میں بھی گیس کے نئے ذخائر دریافت ہوئے تھے، او جی ڈی سی ایل کا کہنا تھا کہ جندران ایکس۔ون کنویں سے یومیہ 2.391 ملین مکعب کیوبک فٹ گیس ‏دریافت ہوئی ہے۔

Comments