The news is by your side.

Advertisement

سعودی عرب: مارچ کے لیے پیٹرول کی قیمت کا اعلان

ریاض: سعودی عرب میں مارچ کے لیے پیٹرول کے نرخوں کا اعلان کردیا گیا، نئے نرخ بدھ 11 مارچ سے نافذ ہوں گے اور 10 اپریل تک مؤثر رہیں گے۔

سعودی ویب سائٹ کے مطابق سعودی آئل کمپنی آرامکو نے مارچ کے لیے پیٹرول کے نرخوں کا اعلان کیا ہے، پیٹرول کی گزشتہ ماہ کی قیمتیں برقرار رکھی گئی ہیں۔

آرامکو کا کہنا ہے کہ نئے نرخ بدھ 11 مارچ سے نافذ ہوں گے اور 10 اپریل تک مؤثر رہیں گے۔

اعلامیے کے مطابق پیٹرول 91 بدھ سے 1 ریال 55 ہللہ فی لیٹر، جبکہ پیٹرول 95، 2 ریال 11 ہللہ فی لیٹر فروخت کیا جائے گا۔

آرامکو نے اعلان کیا تھا اب ہر ماہ کی 10 تاریخ کو پیٹرول کے نرخوں پر نظر ثانی کی جائے گی، اس کا اطلاق ہر ماہ کی گیارہ تاریخ سے ہوگا۔

یاد رہے کہ عالمی منڈی میں خام تیل کی قیمت میں 29 سال کی ریکارڈ کمی واضح ہوئی ہے، امریکی خام تیل کی قیمت 30 فیصد کمی کے بعد 29 ڈالر 88 سینٹ فی بیرل پر آگئی۔

عالمی منڈی میں خام تیل کی یہ قیمتیں 1991 کی خلیجی جنگ کے بعد 29 سال کی کم ترین سطح پر آئی ہیں، امریکی خام تیل کی قیمت میں 11 ڈالر 374 سینٹس کی کمی ہوئی جس کے بعد امریکی خام تیل کی قیمت 29 ڈالر 88 سینٹ فی بیرل ہوگئی۔

 

fb-share-icon0
Tweet 20

Comments

comments

یہ بھی پڑھیں