site
stats
بزنس

خام تیل کی قیمت 3سال کی بلند ترین سطح پر، 100ڈالر فی بیرل تک جانے کا امکان

سنگاپور : عالمی منڈی میں خام تیل کی قیمت میں مسلسل اضافہ کے باعث امریکی خام تیل کی قیمت چار سال جبکہ برینٹ خام تیل کی قیمت تین سال کی بلند ترین سطح پر آگئی۔

تفصیلات کے مطابق عالمی منڈی میں خام تیل کی قیمتوں میں اضافہ ریکارڈ کیا گیاہے جس کے نتیجے میں عالمی منڈی خام تیل کی قیمت تین سال کی بلند ترین سطح پر پہنچ گئی۔

عالمی منڈی میں خام تیل کی قیمت ستر ڈالر سے تجاوز کر گئی اور ایشیائی منڈیوں میں برینٹ خام تیل کےمارچ کے سودے 71 ڈالر 4 سینٹ فی بیرل میں ہوئے۔

دوسری جانب امریکی خام تیل کی قیمت چار سال کے بعد 65 ڈالر فی بیرل سے تجاوز کر گئی اور امریکی خام تیل کی قیمت 66 ڈالر 25 سینٹس فی بیرل ہوگئی۔

انڈسٹری تجزیہ کاروں کے مطابق عالمی منڈی میں ڈالرکی قدر میں کمی اور امریکی خام تیل کے ذخائر میں ہوتی کمی کے باعث خام تیل کی قیمت میں اضافہ ہورہا ہے۔

معاشی تجزیہ کاروں نےخام تیل کی قیمت سوڈالر فی بیرل تک ہونے کی توقع ظاہرکی ہے۔

خیال رہے پاکستان کا انحصار درآمدی خام تیل پر ہے، اسی لئے عالمی منڈی میں خام تیل کی قیمتوں میں اضافے کا اثر پاکستان پر بھی اثر پڑتا ہے، مالی سال سنہ 2017 میں پاکستان نے تقریبا7 ارب 70 ڈالر مالیت کی پیٹرولیم مصنوعات درآمد کی ہیں۔

واضح رہے عالمی منڈی میں خام تیل کی قیمتوں میں اضافہ اس وقت ریکارڈ کیا گیا جب اوپیک اور روس نے اپنے درمیان خام تیل کی پیداوار میں کمی کا معاہدہ جاری رکھنے کا فیصلہ کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top