کراچی : خام تیل کی قیمت ایشیائی حصص بازاروں کو لے ڈوبی، خام تیل کی قیمت تیئس ڈالر ہونے سے تمام ایشیائی بازار منفی زون میں آگئے، پاکستان اسٹاک ایکس چینج بھی مندی کا شکار ہوگیا۔
عالمی منڈی میں خام تیل کی قیمت تیس ڈالر فی بیرل سے نیچے گر گئی، امریکی، یورپی اور ایشیائی اسٹاک مارکیٹس مندی کا شکار ہوگئیں، ایشیائی منڈیوں میں ٹریڈنگ کے آغاز پر خام تیل کی قیمت دوبارہ تیس ڈالرکی سطح تک آگئی مگر ایشیائی حصص بازار سنبھل نہ سکے۔
تمام ایشیائی اسٹاک مارکیٹ ریڈ زون میں نظر آئیں، جاپانی اسٹاک مارکیٹ میں چار فیصد ،چینی اسٹاک مارکیٹ ایک فیصد جبکہ ہانگ کانگ اسٹاک مارکیٹ میں دوفیصد کی گراوٹ نظر آئی۔
ایشیائی حصص بازاروں نے پاکستان اسٹاک ایکس چینج کو بھی اپنی لپیٹ میں لے لیا، ٹریڈنگ کے دروان ہنڈریڈ انڈیکس میں ساڑھے سات سو پوائینٹس کی کمی ریکارڈ کی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں