ریاض: ایران اور سعودی عرب کے درمیان جاری کشیدگی کے باعث خام تیل کی گرتی ہوئی قیمتوں کو بریک لگ گئے، عالمی منڈی میں خام تیل کی قیمتوں میں دو فیصد سے زائد کا اضافہ ریکارڈ کیا گیا ۔
سال دوہزارسولہ کو خام تیل کیلئے برا سال قرار دیا جارہا ہے، تمام تحقیقاتی ادارے رواں سال خام تیل کی قیمت بیس ڈالر تک ہونے کی پیش گوئی کر رہے تھے مگر سعودی عرب اور ایران کے درمیان جاری کشیدگی کے باعث خام تیل کی قیمت دوفیصد اضافے کے ساتھ سینتیس ڈالر اسی سینٹس تک جاپہنچی ہے۔
معاشی تجزیہ کاروں کے مطابق دنیا کے سب سے بڑے خام تیل برآمد کرنے والے ملک اور ایران کے درمیان کشیدگی کے باعث خام تیل کی سپلائی متاثر ہونے کے خدشے پر عالمی منڈی میں قیمتوں میں اضافہ ہورہا ہے۔
