tanker کرایوں میں اضافہ نہ کرنے پرآئل ٹینکرزمالکان کی دھرنے کی دھمکی
The news is by your side.

Advertisement

کرایوں میں اضافہ نہ کرنے پرآئل ٹینکرزمالکان کی دھرنے کی دھمکی

کراچی: پاکستان آئل ٹینکر اونرز ایسوسی ایشن کے چیئرمین اسلم نیازی نے اوگرا کے خاتمے کا مطالبہ کردیا،انہوں نے کہا کہ کرایوں میں 50 فیصد اضافے کا اعلان نہ کیا گیا تو احتاجاً دھرنا دینگے۔

ان خیالات کا اظہار انہوں نے کراچی میں پریس کانفرنس کرتے ہوئے کیا، پریس کانفرنس میں اسلم خان نیازی کا مزید کہنا تھا کہ آئل ٹینکر کا کرایہ بہت قلیل دیا جاتا ہے اور معیار نمبر ون مانگتے ہیں۔

انہوں نے مطالبہ کیا کہ آئل ٹینکروں کے کرایوں میں اضافہ اور اربوں روپے کی کٹوتی واپس کی جائے، حکومت نے کرایوں میں 50 فیصد اضافے کا اعلان نہ کیا گیا تو اسلام آباد میں وزیر اعظم ہاؤس کے سامنے ہزاروں آئل ٹینکرز کے ساتھ دھرنا دیا جائیگا۔

اسلم خان نیازی نے کہا کہ پیٹرولیم مصنوعات کی قیمتوں میں ہوشربا اضافے اور آئل ٹینکرز کے کرایوں میں کمی کی وجہ سے15ہزار آئل ٹینکرز مالکان کاروبار بند کر کے بے روز گار ہو گئے ہیں۔

انہوں نے کہا کہ اوگرا کی جانب سے لگائی گئیں پابندیاں سیکورٹی رسک ہیں، مسائل کے حل کےلیے اوگرا کو ختم کرکے اس کی ذمہ داریاں منسٹری آف پیٹرولیم کے حوالے جائیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں