اوکاڑہ میں انسانیت سوز واقعہ پیش آیا ہے جس میں ماموں نے بھانجے کو بے دردی کے قتل کیا اور اس کی لاش پورے علاقے میں گھسیٹ کر پھرتا رہا۔
اس حوالے سے پولیس نے تفصیلات بتاتے ہوئے کہا کہ اوکاڑہ کے علاقے ڈوگراں کھجور والا میں زمین کے تنازع پر ماموں نے بھانجے کو قتل کردیا ہے۔
ذرائع کے مطابق ملزمان نوجوان کو قتل کرنے کے بعد اس لاش کو مبینہ طور پر موٹر سائیکل سے باندھ کر پورے علاقے میں گھماتے رہے۔
سوشل میڈیا پر وائرل ہونے والی سی سی ٹی وی فوٹیج میں مقتول کی لاش کو موٹر سائیکل کے ساتھ باندھا ہوا دیکھا جا سکتا ہے، ذرائع کے مطابق اوکاڑہ پولیس ملزمان کی گرفتاری میں مکمل طور پر ناکام ہوچکی ہے۔
اوکاڑہ میں تھانہ حجرہ کی حدود میں وراثتی زمین کےتنازع پر ہونے والے قتل کے واقعے کا ڈی پی او نے نوٹس لے لیا۔
اےآر وائی نیوز کی خبر نشر ہونے کے بعد پر ڈی پی او نے متعلقہ افسران کو فوری ایکشن کی ہدایت کرتے ہوئے ملزمان کو جلد گرفتار کرنے کا حکم جاری کیا۔
پولیس حکام کے مطابق عبدالرزاق اور اس کے ماموں میں وراثتی زمین کے تنازعہ پر جھگڑا تھا، ماموں جاوید نے اپنے دیگر ساتھیوں سے مل کر فائرنگ کرکے اپنے بھانجے کو قتل کردیا۔
واردات کے بعد ملزم فرار ہونے میں کامیاب ہوگیا تاہم ملزمان کی گرفتاری کیلئے چھاپے مارے جارہے ہیں۔
