okara اوکاڑہ : ڈاکوؤں نے دومنٹ میں سُپراسٹورکا صفایا کردیا، باآسانی فرار
The news is by your side.

Advertisement

اوکاڑہ : ڈاکوؤں نے دومنٹ میں سُپراسٹورکا صفایا کردیا، باآسانی فرار

اوکاڑہ : پنجاب میں ڈاکو ہائی اسپیڈ ہی نہیں ہوئے بلکہ ان کی دیدہ دلیری اور بھی بڑھ گئی ہے، اوکاڑہ میں دو ڈاکوؤں نے دو منٹ میں پورا سپر اسٹور لوٹا اور باآسانی فرار ہوگئے۔

تفصیلات کے مطابق اوکاڑہ میں ہائی اسپیڈ بائیک پر آنے والے دو ڈاکوؤں نے دو منٹ میں سپراسٹور میں موجود افراد اور کیش لوٹا اور چلتے بنے۔

اے آر وائی نیوز کو موصول ہونے والی سی سی ٹی وی فوٹیج میں اوکاڑہ کے سپر اسٹور کے لٹنے کا منظر دیکھا جاسکتا ہے جہاں گاہک خریداری میں مصروف ہیں کہ اچانک دو ڈاکو ہیوی بائیک پر آئے اور بنا جھجک اسٹور میں گھس کرسب پر پستول تان لی۔

شلوار قمیض اور ہڈ والی جیکٹ پہنے ایک ڈاکو نے پہلے گاہکوں کی جیب خالی کی اور پھر رقم کے حصول کیلئے کاؤنٹر کی جانب بڑھا، ڈاکو نے دکان میں موجود تمام رقم جمع کرنا شروع کردی۔

اس دوران ایک اور گاہک اسٹور میں داخل ہوا اور وہ بھی لٹ گیا، ڈاکوؤں نے دو منٹ کے اندر لاکھوں روپے لوٹے اور بائیک پر بیٹھ کربا آسانی فرار ہونے میں کامیاب ہوگئے، دکان میں کھڑے لٹنے والے لوگ بس ہاتھ ہی ملتے رہ گئے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔ 

 

Comments

comments

یہ بھی پڑھیں