اولڈ ٹریفورڈ: انگلینڈ کی ٹیم نے دوسرے ٹیسٹ میچ میں پہلے بیٹنگ کرتے ہوئے 3 وکٹوں کے نقصان پر264 رنز بنا لیے ہیں،کپتان السٹر کُک کی سینچری کے بعد محمد عامر کے ہاتھوں کلین بولڈ ہو گئے جب کہ روٹ سینچری کے ساتھ وکٹ پر موجود ہیں۔
تفصیلات کے مطابق دوسرے ٹیسٹ میں پہلی وکٹ گنوانے کے بعد انگلش کپتان السٹر کُک پاکستانی بولنگ لائن کے سامنے ڈھال بن گئے،14 چوکوں کی مدد سے سینچری جڑنے میں کامیاب رہے اس موقع پر فاسٹ بولر محمد عامر نے 14 بار چار رنز کے لیے گیند کو باونڈری کی راہ دکھانے والے السٹر کُک کو کلین بولڈ کر کے پولین کی راہ دکھائی،السٹر کُک کے آؤٹ ہونے کے بعد وِینس وکٹ پر براجمان ہوئے تا ہم وہ بھی محض 18 رنز بنانے کے بعد راحت علی کا شکار ہو گئے،روٹ سینچری کے بعد اب پاکستان کے لیے خطرہ بنے وکٹ پر موجود ہیں۔
WATCH: Cook bowled by Amir for 105, before going off to an Old Trafford ovation. ENG 210-2: https://t.co/XbFzNuRrnw https://t.co/NZrNYEKfic
— England Cricket (@englandcricket) July 22, 2016
السٹر کُک نے 105 رنز کی اننگ کھیل کر اپنی ٹیم کو مظبوط آغاز فراہم کردیا ہے، یہ ٹیسٹ کرکٹ میں اُن کی 29 ویں سینچری ہے جو انہوں 172 بال کھیل کر بنائی۔
دائیں ہاتھ سے بیٹنگ کرنے والے السٹر کُک نے 2006 میں انڈیا کے خلاف ٹیسٹ ڈیبیو کیا تھا اور اب تک 130 ٹیسٹ میچوں میں 10262 رنز سمیٹ چکے ہیں جس میں 29 سنیچریاں اور 49 نصف سینچریاں بنائی ہیں۔
یہ خبر پڑھیے : پاکستان بمقابلہ انگلینڈ، اولڈ ٹریفورڈ میں آج دوسرا ٹیسٹ ہوگا
محمد عامر 12 اوورز میں 48 رنز دے کر دو وکٹیں حاصل کرنے میں کامیاب ہو گئے ہیں،کُک کے آؤٹ ہونے کے بعد پاکستانی ٹیم دوبارہ ردھم میں آ گئی ہے اور نوجوان بولر محمد عامر مزید وکٹیں لینے کے لیے پُر عزم دکھائی دیے رہے ہیں جو پاکستان ٹیم کے لیے نہایت خوش آئند ہے۔