The news is by your side.

Advertisement

اسلام آباد پولیس کی بڑی کارروائی، متعدد خواتین سے زیادتی کرنیوالا ملزم گرفتار

اسلام آباد: اسلام آباد پولیس نے خواتین سے زیادتی کرنے والے ملزم کو گرفتار کرلیا ہے، ملزم خواتین کو بے ہوش کرنے کے لئے کون سا کیمیکل استعمال کرتا تھا؟ جانئے حیران کن انکشاف۔

اسلام آباد پولیس کی جانب سے جاری بیان کے مطابق تھانہ کورال پولیس نے اہم کارروائی کی، کارروائی کے دوران خواتین سے زیادتی کرنے والا ملزم گرفتار کرلیا گیا، تھانہ کورال پولیس نے ملزم کے کرمنل ریکارڈ سے متعلق اہم انکشاف کیا ہے۔

اسلام آباد پولیس کے مطابق ملزم نے بیس سےزائدخواتین کیساتھ زیادتی کاانکشاف کیا ہے، ملزم نے دو سال قبل اسلام آباد پولیس کی لیڈی اہلکار سے زیادتی کی تھی، گرفتار ملزم ظہیر احمد آزاد کشمیر کا رہائشی ہے۔

پولیس کی جانب سے جاری بیان کے مطابق خواتین کو اپنی جنسی درندگی کا نشان بنانے سے قبل ملزم بیہوشی کیلئےکلوروفارم کا استعمال کرتا تھا، خواتین سے زیادتی کے بعد ملزم قیمتی اشیا بھی چھین کر فرار ہوجاتا تھا، گرفتاری کے وقت ملزم سے وارداتوں کے دوران چھینے گئےموبائلز فون و قیمتی اشیابرآمد کی ہے، ملزم سے مزید تفتیش کے لئے تحقیقات کا آغاز کردیا گیا ہے۔

Comments

یہ بھی پڑھیں