طبی ماہرین کا کہنا ہے کہ روز کے کھانے میں شامل کیا جانے والا تیل آپ کو بیمار یا صحت مند رکھ سکتا ہے، تاہم روزانہ زیتون کے تیل کا استعمال آپ کو بے شمار فوائد پہنچا سکتا ہے۔
ماہرین کے مطابق کھانا پکانے میں زیتون کے تیل کا استعمال کولیسٹرول کنٹرول میں رکھتا ہے جبکہ کینسر کے خلاف مدافعت بھی پیدا کرتا ہے۔
یہ ہمارے جسم کو اندرونی طور پر فائدہ پہنچاتا ہے۔
ایک برطانوی یونیورسٹی میں ہونے والی تحقیق کے مطابق زیتون کے تیل کے استعمال سے دل کی شریانیں بہتر طور پر کام کرتی ہیں اور اس کے مسلسل استعمال سے دل کے دورے کا خطرہ بہت کم ہو جاتا ہے۔
تحقیق میں کہا گیا کہ روزانہ زیتون کے تیل کا استعمال امراض قلب سے محفوظ رکھ کر دل کو صحت مند رکھتا ہے۔
زیتون کے تیل میں اومیگا 6 فیٹی ایسڈز پائے جاتے ہیں جو جسم کو خطرناک بیماریوں میں مبتلا ہونے سے روکتے ہیں۔
علاوہ ازیں زیتون کا تیل بلڈ پریشر کو کنٹرول کرنے میں بھی مددگار ثابت ہوتا ہے اور خون میں صحت مند اور نقصان پہنچانے والے فیٹس کے درمیان توازن برقرار رکھتا ہے۔
