The news is by your side.

Advertisement

اولمپک ہاکی کوالیفائر کے ڈراز کا اعلان کردیا گیا، پاکستان ہالینڈ مدمقابل ہوں‌ گے

لاہور: اولمپک ہاکی کوالیفائرز کے ڈراز کا اعلان کردیا گیا جس کے مطابق پاکستان کا مقابلہ ہالینڈ سے ہوگا۔

تفصیلات کے مطابق اولمپک ہاکی کوالیفائرز کے ڈراز کا اعلان کردیا گیا ہے، کامیاب ٹیم 2020 اولمپکس گیمز کے لیے کوالیفائی کرے گی۔

اکتوبر میں پاکستان کی ہاکی ٹیم ہالینڈ سے ہوم اور اوے پر کھیلے گی، پہلے راؤنڈ میچ 25 سے 27 اکتوبر تک کھیلے جائیں گے۔

دوسرے راؤنڈ کے میچ یکم سے تین نومبر تک ہوں گے، بھارت کا مقابلہ آسٹریا اور جرمنی، روس مدمقابل ہوں گے۔

پاکستان اور ہالینڈ کے درمیان ہاکی میچ کی حتمی تاریخ کا اعلان بعد میں کیا جائے گا، سیکیورٹی خدشات کی وجہ سے امکان ہے کہ دونوں میچز ہالینڈ میں کھیلے جائیں گے۔

مزید پڑھیں: سیف گیمز 2019 میں سے ہاکی کو نکال دیا گیا

واضح رہے کہ گزشتہ ماہ سیف گیمز 2019 میں سے پاکستان کے قومی کھیل ہاکی کو نکال دیا گیا تھا، اس کا سبب نیپال میں ہاکی اسٹیڈیم کا تیار نہ ہونا تھا۔

سیف گیمز کا 13 واں ایڈیشن یکم تا دس دسمبر نیپال کے شہر کھٹمنڈو اور پوکھارا میں ہونا ہے ، نیپالی حکومت ڈیڈ لائن ختم ہونے تک ہاکی اسٹیڈیم تیار کرنے میں ناکا م رہی ہے۔

آصف باجوہ کا کہنا تھا کہ یہ حالات ہمارے دائرہ اختیار سے باہر ہیں اورایسو سی ایشن تمام معاملات کو دیکھ رہی ہے۔امید ہے کہ ایشین اولمکپس کمیٹی کی جانب سے اچھی خبر ملے گی۔

Comments

comments

یہ بھی پڑھیں