The news is by your side.

Advertisement

عمان کا بھارت کے لیے ٹریول الرٹ جاری

مسقط: عمان نے بھارت میں کرونا وائرس کیسز کی بڑھتی ہوئی تعداد کے پیش نظر اپنے شہریوں کو بھارت کا غیر ضروری سفر کرنے سے منع کردیا۔

عمان نیوز ایجنسی کے مطابق بھارتی دارالحکومت نئی دہلی میں واقع عمانی سفارتخانے نے اپنے شہریوں کے لیے ہدایت جاری کی ہے کہ اگر کوئی بہت ضروری کام نہ ہو تو عمانی شہری بھارت کا سفر کرنے سے گریز کریں۔

یہ فیصلہ بھارت میں کرونا وائرس کی بے قابو صورتحال کے پیش نظر کیا گیا ہے جہاں روزانہ 2 لاکھ کووڈ 19 کے نئے کیسز رپورٹ ہورہے ہیں۔

دوسری جانب برطانیہ نے بھی بھارت کو ریڈ لسٹ میں شامل کر کے بھارت کے خلاف سفری پابندیاں مزید ‏سخت کر دی ہیں۔

برطانوی سیکریٹری صحت کا کہنا ہے کہ 23 اپریل سے بھارت کو سفری ریڈ لسٹ میں شامل کردیا جائے گا جس کے بعد بھارت سے برطانیہ آنے والوں پر پابندی عائد ہوجائے گی۔

برطانوی وزیر اعظم بورس جانسن پہلے ہی کرونا وائرس کی وجہ سے اپنا دورہ بھارت منسوخ کرچکے ہیں۔

Comments

یہ بھی پڑھیں