The news is by your side.

Advertisement

عمان نے ویزے میں ایک اور سہولت فراہم کر دی

عمان نے باصلاحیت اور پیشہ وارانہ مہارت کے حامل تارکین وطن کو ویزے میں ایک اور سہولت فراہم کر دی۔

عمان کے سرکاری خبر رساں ادارے کے مطابق ملک میں کام کرنے والے پیشہ وارانہ مہارت اور مختلف شعبوں میں خصوصیت رکھنے والے تارکین وطن جلد ہی طویل مدتی رہائشی ویزہ حاصل کر سکیں گے۔

اس حوالے سے سرمایہ کاری اور برآمدی ترقی کے قومی پروگرامکے سربراہ کالد الشعیبی نے کہا کہ سلطنت سرمایہ کاروں کی رہائش کے پروگرام کو وسعت دینے پر غور کررہی ہے تاکہ تخلیق کاروں کو مختلف کیٹیگریز میں شامل کیا جا سکے۔

انہوں نے کہا کہ وزرا کونسل میں تجویز پیش کی گئی ہے اور جیسے ہی ریزیڈنسی پروگرام سے متعلق تجویز کی منظوری دی جائے گی اس کا اعلان کیا جائے گا۔

اس پروگرام کی منظوری کے بعد تارکین وطن طویل مدتی رہائشی ویزے کے لیے درخواست دے سکیں گے۔

Comments

یہ بھی پڑھیں