اسلام آباد : معذور آرٹسٹ عمر جرال نے اپنے ہاتھوں سے پینٹ کیے پوٹریٹ وزیراعظم عمران خان کو پیش کئے ، جس کی عمران خان نے تعریف کی۔
تفصیلات کے مطابق وزیراعظم عمران خان سے دماغ کے فالج میں مبتلا آرٹسٹ عمر جرال کی ملاقات ہوئی ، جس میں عمر جرال نے اپنے ہاتھوں سے پینٹ کیے پوٹریٹ وزیراعظم کو پیش کیے۔
وزیراعظم عمران خان کی آرٹسٹ عمر جرال سے ملاقات۔ عمر جرال نے اپنے ہاتھوں سے پینٹ کیے پوٹریٹ وزیراعظم کو پیش کیے۔ pic.twitter.com/zBRyvwjQ0F
— Prime Minister’s Office, Pakistan (@PakPMO) November 30, 2021
وزیر اعظم خان نے عمر جرال کے فن پارے کی تعریف کی۔
خیال رہے کہ 34 سالہ عمر جرال دماغی فالج ’cerebral palsy‘ نامی بیماری میں کا شکار ہے، دماغی فالج یعنی Cerebral Palsy ایک بہت ہی اہم طبی مسئلہ ہے، جو بچوں کے اعصابی نظام کو بری طرح متاثر کرتا ہے ۔
پیدائش کے ابتدائی سالوں میں بہت سارے بچے اس مرض کا شکار ہوتے ہیں ۔ دماغ کا وہ حصہ جو حرکت کو کنٹرول کرتا ہے اس مرض کے باعث کمزور ہو جاتا ہے۔
