کورونا وائرس کا اومیکرون ویرینٹ خیبرپختونخوا پہنچ گیا۔ ضلع مانسہرہ میں پہلا کیس سامنے آگیا۔
ترجمان محکمہ صحت کے پی کے مطابق متاثرہ شخص اور علاقے کو قرنطینہ کرلیا گیا ہے متاثرہ شخص راولپنڈی کا رہائشی ہے علاقے میں کنٹیکٹ ٹریسنگ کیلئے اضافی ٹیمیں تفویض کی گئی ہیں۔
ترجمان کا کہنا ہے کہ مانسہرہ میں ویکسینیشن کی شرح مزید بڑھانے کیلئے بھی خصوصی ٹیمیں تشکیل دی گئی ہے اومیکرون سے نمٹنے کیلئے تمام تر تیاریاں مکمل ہیں اور ویرینٹ کو زیر کرنے کیلئے ویکسینیشن واحد حل ہے۔
صوبائی وزیرصحت تیمور سلیم جھگڑا نے ٹوئٹر پر جاری بیان میں اومیکرون کیس رپورٹ ہونے کی تصدیق کرتے ہوئے کہا ہے کہ ہمارا طبی نظام اس ویرینٹ سے نمٹنے کے لیے تیار ہے۔
Our public health reference lab has detected the first cases of Omicron in Pakhtunkhwa. As expected, this was only a matter of time. Our hospital system has coped with four surges and will continue to be ready.
Our best defence is to vaccinate as per NCOC guidelines.— Taimur Khan Jhagra (@Jhagra) January 5, 2022
محکمہ صحت کے مطابق گزشتہ 24 گھنٹوں کے دوران خیبرپختونخوا میں کورونا وائرس سے 3 افراد انتقال کرگئے جس کے بعد صوبے میں کورونا سے اب تک جاں بحق افراد کی تعداد 5 ہزار 938 ہو گئی۔
خیبرپختونخوا میں گزشتہ 24 گھنٹوں میں کورونا وائرس کے مزید 36 نئے کیسز رپورٹ ہوئے، صوبے میں کورونا کیسز کی مجموعی تعداد 1 لاکھ 81 ہزار 573 ہوگئی۔