The news is by your side.

Advertisement

لاہور میں اومیکرون کا شدید پھیلاؤ جاری

لاہور: صوبہ پنجاب کے دارالحکومت لاہور میں کرونا وائرس کی نئی قسم اومیکرون کا شدید پھیلاؤ جاری ہے، پنجاب میں اومیکرون کیسز کی تعداد 1 ہزار سے تجاوز کرچکی ہے۔

تفصیلات کے مطابق صوبہ پنجاب کے دارالحکومت لاہور میں اومیکرون کے 76 نئے مریض سامنے آگئے جس کے بعد شہر میں اومیکرون کے کیسز کی تعداد 988 ہوگئی۔

محکمہ صحت کا کہنا ہے کہ صوبے بھر میں اومیکرون کے 80 مریض رپورٹ ہوئے جس کے بعد پنجاب میں اومیکرون کے کیسز کی تعداد 1 ہزار سے تجاوز کرچکی ہے۔

محکمہ صحت کا مزید کہنا ہے کہ لاہور میں کرونا وائرس مثبت کیسز کی شرح 15.5 ہوچکی ہے۔ لاہور سمیت ملک بھر میں کرونا وائرس کے مثبت کیسز کی شرح لگ بھگ 13 فیصد ہوچکی ہے۔

نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران ملک بھر میں 6 ہزار 357 کووڈ کیسز رپورٹ ہوئے ہیں جبکہ اس دوران 17 مزید اموات ہوئی ہیں۔

Comments

یہ بھی پڑھیں