واشنگٹن: امریکا میں ایک بار پھر کووڈ 19 کے کیسز میں اضافہ ہورہا ہے، گزشتہ 24 گھنٹے میں 1 لاکھ سے زائد نئے کیسز رپورٹ ہوئے جن میں نئی قسم اومیکرون کے کیسز بھی شامل ہیں۔
حکام کے مطابق کرونا وائرس کی نئی قسم کے کیسز سمیت ملک میں مجموعی طور پر بھی کووڈ کیسز میں اضافہ ہوچکا ہے، گزشتہ 24 گھنٹے میں 1 لاکھ سے زائد نئے کیسز رپورٹ ہوئے جبکہ ایک دن میں 1200 سے زائد اموات ہوئیں۔
امریکی میڈیا کے مطابق امریکا میں کرونا وائرس کی نئی قسم اومیکرون کے متعدد کیسز سامنے آگئے، نیویارک میں 5 افراد اومیکرون وائرس سے متاثر ہوئے جس کی تصدیق گورنر نے کردی۔
امریکا کی دیگر ریاستوں کیلی فورنیا، کولا راڈو، ہوائی اور منی سوٹا میں بھی 1، 1 کیس رپورٹ ہوا۔
حکام نے امریکا آمد پر مسافروں کے لیے ایک روز پہلے کی منفی کرونا ٹیسٹ رپورٹ لازمی قرار دی ہے، امریکی صدر بائیڈن نے بھی 10 کروڑ امریکی شہریوں کو بوسٹر شاٹس لگانے کا بھی فیصلہ کیا ہے۔
حکام کے مطابق کرونا وائرس کی نئی قسم کے کیسز سمیت ملک میں مجموعی طور پر بھی کووڈ کیسز میں اضافہ ہوچکا ہے، گزشتہ 24 گھنٹے میں 1 لاکھ سے زائد نئے کیسز رپورٹ ہوئے جبکہ ایک دن میں 1200 سے زائد اموات ہوئیں۔
امریکا کے علاوہ برطانیہ اور یورپ میں بھی کرونا وائرس کیسز میں ایک بار پھر اضافہ دیکھنے میں آرہا ہے، جرمنی میں ایک دن میں 73 ہزار، برطانیہ میں 53 ہزار اور جنوبی افریقہ میں کووڈ 19 کے 11 ہزار کیسز رپورٹ کیے گئے۔
