The news is by your side.

Advertisement

اومیکرون : کیا سندھ حکومت نے کورونا پابندیوں کا اعلان کردیا ؟ اصل کہانی سامنے آگئی

کراچی : ترجمان چیف سیکریٹری سندھ نے سوشل میڈیا پر گردش کرنے والے کورونا سےمتعلق پابندیوں کے نوٹیفکیشن کو جعلی قرار دے دیا۔

تفصیلات کے مطابق سندھ حکومت کی جانب سے اومیکرون کے بڑھتے ہوئے کیسز کو روکنے کے لیے نئی پابندیوں پر غور کے اعلان کے ساتھ ہی محکمہ صحت سندھ کی جانب سے کورونا پابندیوں سے متعلق جاری کردہ ایک نوٹیفکیشن سوشل میڈیا پر گردش کرنے لگا۔

ترجمان چیف سیکریٹری نے سندھ میں پابندیوں کا سوشل میڈیا پر آنیوالا نوٹیفکیشن جعلی قرار دیتے ہوئے کہا سندھ میں کوروناکے حوالے سےپابندیوں کاکوئی نوٹیفکیشن جاری نہیں کیا گیا۔

محکمہ صحت کی جانب سے کہا گیا کہ براہ کرم فوٹو شاپ کی گئی تصاویر سے ہوشیار رہیں ، جو وبائی امراض کے دوران جعلی معلومات پھیلا رہی ہیں۔ یہ دستاویز جعلی ہے اور سندھ حکومت یا محکمہ صحت سندھ کی جانب سے ایسا کوئی نوٹیفکیشن جاری نہیں کیا گیا ہے۔ اگر آپ کو بھیج دیا جائے تو بھیجنے والے کو مطلع کریں کہ یہ غیر مستند ہے۔

یاد رہے کراچی میں گزشتہ 24 گھنٹوں کے دوران مزید 136 افراد اومیکرون ویرینٹ سے متاثر ہوئے ، جس میں کراچی کے ڈسٹرکٹ ساؤتھ میں 39، ڈسٹرکٹ ایسٹ میں 52، ملیر میں تین اور کورنگی میں دو کیسز کی تصدیق ہوئی۔

اسلام آباد، لاہور سمیت ملک بھر میں اومیکرون اور ڈیلٹا کی مختلف اقسام کے ذریعے کووڈ کیسز میں اضافہ ہو رہا ہے، پاکستان میں پچھلے 24 گھنٹوں میں 1,293 نئے انفیکشن رپورٹ ہوئے۔

Comments

یہ بھی پڑھیں