عالمی ادارہ صحت نے کہا ہے کہ کورونا وائرس کی نئی قسم اومیکرون بڑی حد تک دنیا بھر میں دیگر اقسام پر حاوی ہوچکا ہے۔
ڈبلیو ایچ او کی ویب سائٹ پر شائع ہونے والی ہفتہ وار کوویڈ 19 اپ ڈیٹ رپورٹ میں ہفتہ وار کوویڈ 19 کیس اور اموات کی شرح میں اضافہ اور اومیکرون ویریئنٹ کی تازہ ترین صورتحال کا جائزہ پیش کیا گیا ہے۔
24 سے 30 جنوری کے درمیان عالمی سطح پر کووڈ 19 کے واقعات اس سے پہلے کے ہفتے کے مقابلے میں تقریباْ اسی شرح سے بڑھے لیکن جانی نقصان میں 9 فیصد اضافہ ریکارڈ کیا گیا۔
گزشتہ ہفتے دنیا بھر میں 2کروڑ 20 لاکھ کے لگ بھگ نئے کورونا کیسز ریکارڈ ہوئے اور 59 ہزار سے زائد لوگ اس وبا سے ہلاک ہوئے ہیں۔
اپ ڈیٹ رپورٹ میں واضح کیا گیا ہے کہ کورونا کے الفا، بیٹا، گیما، ڈیلٹا، لمبڈ اور میو ویریئنٹس میں عالمی سطح پر کمی آئے ہے اور اومیکرون نے تقریباْ تمام پرانی اقسام کی جگہ لے لی ہے۔
واضح رہے کہ عالمی ادارہ صحت نے رواں سال کے آغاز میں ہی انتباہ دیا تھا کہ اومیکرون کو معمولی نہ سمجھا جائے۔
ڈبلیو ایچ او کا کہنا تھا کہ اومیکرون نے دنیا بھر میں صحت کے نظٓم کو پھر دباؤ میں ڈال دیا ہے۔
مزید پڑھیں:اومیکرون کو معمولی نہ سمجھیں ، عالمی ادارہ صحت نے دنیا کو خبردار کردیا
