The news is by your side.

کیا اومیکرون پانچ سال سے کم عمر بچوں میں بھی تیزی سے پھیلتا ہے؟

کیپ ٹاؤن: کیا اومیکرون پانچ سال سے کم عمر بچوں میں بھی تیزی سے پھیلتا ہے؟ جنوبی افریقا کے ماہرین نے اس حوالے سے تشویش کا اظہار کر دیا ہے۔

تفصیلات کے مطابق جنوبی افریقی ماہرین نے چھوٹے بچوں میں کرونا انفیکشن کے پھیلاؤ کے حوالے سے تشویش کا اظہار کیا ہے، ان کا کہنا ہے کہ اومیکرون ویرینٹ 5 سال سے کم عمر کے بچوں میں بھی بہت زیادہ تیزی سے پھیل رہا ہے۔

نیشنل انسٹی ٹیوٹ آف کمیونی کیبل ڈیزیز (این آئی سی ڈی) کی ڈاکٹر واسیلا جاسیٹ نے جمعے کے روز وزارت صحت کی میڈیا بریفنگ میں کہا اب اس لہر کے شروع میں ہم تمام عمر کے زمروں میں کرونا انفیکشن میں تیز اضافہ دیکھ رہے ہیں۔

اومیکرون نے خود کو بدلنے کے لیے عام نزلے کے وائرس کے ساتھ کیا کیا؟

انھوں نے کہا ماضی میں کرونا کا اثر بچوں پر بہت زیادہ نہیں پڑا اور انھیں اسپتالوں میں داخل نہیں کرانا پڑا، لیکن تیسری لہر میں ہم پانچ سال سے کم عمر کے بچوں اور 15 سے 19 سال کے نوعمروں میں انفیکشن میں تیزی دیکھ رہے ہیں۔

ڈاکٹر واسیلا جاسیٹ کا کہنا تھا کہ بچوں میں خدشے کے مطابق کیسز کم ہیں، تاہم بالکل چھوٹے بچوں میں اب یہ انفیکشن دوسرے نمبر پر آ گیا ہے، اس کے ساتھ 60 سال سے زیادہ عمر کے افراد میں بھی وائرس تیزی سے بڑھ رہا ہے۔

Comments

یہ بھی پڑھیں