site
stats
پاکستان

سانحہ کوئٹہ: عدالت نے اعلیٰ افسران کوجاری شوکاز نوٹس واپس لے لیے

اسلام آباد: سپریم کورٹ میں‌ سانحہ کوئٹہ کمیشن رپورٹ پرعمل درآمد کیس کی سماعت کے دوران صوبہ بلوچستان سے تعلق رکھنے والے گریڈ 20 کے افسران کوجاری شوکاز واپس لے لئے گئے.

تفصیلات کے مطابق سپریم کورٹ میں سانحہ کوئٹہ کمیشن رپورٹ پرعمل درآمد کیس کی سماعت ہوئی ، جسٹس امیر ہانی مسلم کی سربراہی میں 2 رکنی بینچ نے سماعت کی.

عدالت نے صوبائی حکومت کوتمام سیکریٹریزکیڈرپوسٹ کے ہی بھرتی کرنےکا حکم دیا جبکہ سپریم کورٹ کی جانب سے بلوچستان کے گریڈ 20 کے افسران کوجاری شوکازواپس لے لئے گئے ہیں.

ایڈووکیٹ جنرل کا کہنا ہے کہ سپریم کورٹ ڈیپوٹیشن اور نان کیڈر کے خلاف حکم جاری کرےعدالتی احکامات پرعمل کرتےہیں تو افسران حکم امتناع لے لیتے ہیں.

ایڈووکیٹ جنرل کے مطالبے پرعدالت نے کہا کہ نان کیڈراورڈیپوٹیشن کے کیسز بلوچستان ہائیکورٹ کوپیش کریں اور بلوچستان ہائیکورٹ آرٹیکل212کے تحت کیسزکا فیصلہ کرے۔

یہاں پڑھیں:کوئٹہ: سول اسپتال میں دھماکا، 74افراد جاں بحق، 112 زخمی

گذشتہ سال 8 اگست کو بلوچستان کے صوبائی دارالحکومت کوئٹہ کے سول اسپتال میں دھماکہ ہوا تھا، جس کے نتیجے میں 74 افراد جاں بحق جبکہ 112 سے زائد افراد زخمی ہوئے تھے.

یہاں پڑھیں:سانحہ کوئٹہ کی تحقیقات کےلیے عدالتی کمیشن قائم

8 اگست کے افسوس ناک واقعے پر صوبائی حکومت کے جاری نوٹیفکیشن کے مطابق عدالتی کمیشن بلوچستان ہائی کورٹ کے سینئر جج جسٹس جمال مندوخیل پر مشتمل کمشین قائم کیا گیا تھا.

مزید پڑھیں:سانحہ کوئٹہ پر کمیشن نے حکومتی کارکردگی پر سوال اٹھا دیے

تحقیقاتی رپورٹ میں وزارت داخلہ کے کردار پر سوال اٹھایا گیا ہے کہ وفاقی وزیر داخلہ نے 3 کالعدم تنظیموں کے سربراہوں سے ملاقات کی۔ ملاقات اسلام آباد کے ریڈ زون میں واقع پنجاب ہاؤس میں ہوئی۔ وزیر داخلہ نے ان کے مطالبات سنے اور انہیں تسلیم بھی کیے۔

مزید پڑھیں:سانحہ کوئٹہ کمیشن رپورٹ ‘چوہدری نثارنےسپریم کورٹ میں جواب جمع کرادیا

بعد ازاں وزیرداخلہ چوہدری نثارنےسپریم کورٹ میں خود پر لگائے گئےاعتراضات کا 64 صفحات پر مشتمل تحریری جواب اپنے وکیل مخدوم علی کے توسط سے جمع کرایا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top