The news is by your side.

Advertisement

نئے سال کی پہلی صبح سردی کی شدت میں اضافہ، درجہ حرارت 7 ڈگری ریکارڈ

کراچی : نئے سال کے پہلی صبح سردی کی شدت میں مزید اضافہ ہوگیا، موجودہ درجہ حرارت 7 ڈگری سینٹی گریڈ ریکارڈ کیا گیا۔

تفصیلات کے مطابق سردی کی شدت میں اضافہ نئے سال کے آغاز پر بھی جاری ہے، محکمہ موسمیات کا کہنا ہے کہ شہر کی ہوائیں آٹھ سے دس کلومیٹر فی گھنٹہ کی رفتار سے چل رہی ہیں۔

کراچی کا موجودہ درجہ حرارت 7 ڈگری سینٹی گریڈ ریکارڈ کیا گیا ہے جبکہ دن میں درجہ حرارت 21 سے 23 ڈگری تک پہنچنے کا امکان ہے۔

محکمہ موسمیات کے مطابق آج علی الصبح کراچی کا کم سے کم درجہ حرارت 5 ڈگری سینٹی گریڈ ریکارڈ کیا گیا۔

خیال رہے کہ محکمہ موسمیات نے شہر قائد کا درجہ حرارت 2 سے 3 ڈگری تک گرنے کا امکان ظاہر کیا تھا۔

Comments

یہ بھی پڑھیں