ٹوکیو: لمبی پونچھ والے مرغوں کی نایاب نسل سامنے آگئی ہے جسے دیکھ کر ہر کوئی حیرت زدہ ہو جاتا ہے۔
مرغوں کی اس نسل کا مرکز جاپان ہے اور اس نایاب نسل کو ”اونا گادوری“ کہا جاتا ہے اور یہ اپنی غیر معمولی لمبی پونچھ کی وجہ سے جانی جاتی ہے۔
جاپانی قومی خزانہ سمجھی جانے والی مرغوں کی 17 نسلوں میں سے ”اونا گادوری“ واحد نسل ہے جسے خصوصی حیثیت حاصل ہے۔ کہا جاتا ہے کہ جب 1952 میں اسے یہ درجہ ملا تھا تو اس نسل کے پرندوں اور انڈوں کی برآمدات پر پابندی تھی۔ اس لیے اس یہ نایاب ہے۔
لمبی پونچھ والے مرغوں کی تاریخ ہزاروں سال پرانی بھی ہو سکتی ہے لیکن خیال کیا جاتا ہے کہ ”اونا گادوری“ نسل سترھویں صدی میں جاپان کے صوبے توسا میں شنکوکو جزیرے پر پیدا ہوئی تھی۔
اس نسل کی خاص بات یہ ہے کہ ان کی پونچھ کے پر جھڑتے نہیں ہیں اور ہمیشہ رہتے ہیں جب کہ کہا جاتا ہے کہ ان میں ایسے جینیات ہوتی ہیں جو پروں کی بہترین نشونما کا باعث بنتی ہیں۔
روپرٹس کے مطابق اس نسل کے مرغوں کی پونچھ کم از کم 1 اعشاریہ 5 میٹر لمبی ہونی چاہیے جب کہ کہا جاتا ہے کہ ان کی پونچھ ہر سال 90 سینٹی میٹر تک بڑھ سکتی ہے۔
