The news is by your side.

Advertisement

ابوظبی کے حکمران کے انتقال پر پاکستانی شخصیات کی جانب سے تعزیت

کراچی: قونصل جنرل یو اے ای نے ابوظبی کے حکمران کے انتقال پر تعزیت کرنے والے پاکستانی شخصیات کا شکریہ ادا کیا ہے۔

تفصیلات کے مطابق قونصل جنرل یو اے ای بخیت عتیق الرمیثی نے متحدہ عرب امارات کے صدر اور ابوظبی کے حکمران شیخ خلیفہ بن زاید النہیان کے انتقال پر اظہار افسوس کرنے والے پاکستانیوں کا شکریہ ادا کیا ہے۔

شیخ خلیفہ بن زاید النہیان کے انتقال پر پوری مسلم امہ سوگ میں ہے، یو اے ای میں سوگ منایا گیا، پاکستان میں بھی اس پر سوگ اور بہت اظہار افسوس کیا جا رہا ہے۔

پاکستانی حکمرانوں، سیاست دانوں، تاجروں اور دیگر شہریوں اور ارباب اختیار کی بڑی تعداد نے کراچی قونصلیٹ پہنچ کر اظہار افسوس کیا۔

قونصل جنرل یو اے ای بخیت عتیق الرمیثی نے کہا میں وزیر اعلیٰ سندھ، گورنر سندھ، صوبائی وزرا، سردار قبیلے کے سربراہ اور دیگر سیاسی جماعتوں کے رہنماؤں، تاجروں اور دیگر شہریوں کا تہ دل سے مشکور ہوں، کہ وہ ہمارے اس دکھ میں شریک ہوئے اور اظہار افسوس کیا۔

Comments

یہ بھی پڑھیں