ہیلسنکی: فن لینڈ میں 16 سالہ لڑکی کو ایک دن کا وزیراعظم مقرر کردیا گیا۔
فرانسیسی خبررساں ادارے کی رپورٹ کے مطابق یہ دلچسپ معاملہ کسی فلم یا ڈرامے کی کہانی نہیں بلکہ حقیقت میں فن لینڈ کی سولہ سالہ لڑکی کو ایک دن کا وزیر اعظم مقرر کیا گیا۔
رپورٹ کے مطابق ایوا مورتو نامی 16 سالہ لڑکی نے فن لینڈ کی وزیراعظم سنا مرین سے 7 اکتوبر کو وزارتِ عظمیٰ کا عہدہ لیا اور وہ ایک دن کے لیے بطور وزیراعظم اپنی ذمہ داریاں انجام دیتی رہیں۔
اس اقدام کا مقصد بچوں کی عالمی مہم کے تحت لڑکیوں کے لیے ٹیکنالوجی کے شعبے میں زیادہ مواقع فراہم کرنا ہے۔
ایک دن کے وزیراعظم بننے والی لڑکی کو میڈیا نے وہی پروٹوکول دیا جو سنا مرین کو دیا جاتا ہے۔
وزیراعظم ہاؤس سے باہر نکلنے کے بعد میڈیا نمائندگان ایوا مورتو کے منتظر تھے، جنہوں نے صحافیوں سے گفتگو کرتے ہوئے کہا کہ ’میرے خیال سے نوجوان کچھ نیا کرنے کے لیے اور مستقبل کے حوالے سے بڑوں کو بہت کچھ سکھا سکتے ہیں‘۔
Prime Minister’s seat has for one day been occupied by 16-year-old Aava Murto.
Murto wants to focus on opportunities for the most vulnerable girls to benefit from technology.
In the #girlstakeover by @PlanGlobal girls around the world step into the shoes of leaders. pic.twitter.com/EWZK8rEgXb
— Finnish Government (@FinGovernment) October 7, 2020
اُن کا کہنا تھا کہ ’میں یہ کہتی ہوں کہ لڑکیوں کو ٹیکنالوجی کے شعبے میں زیادہ مہارت حاصل کرنی چاہیے، لڑکیوں کو یہ سمجھنے کی ضرورت ہے کہ ٹیکنالوجی کا میدان اُن کے لیے کتنا اہم ہے اور ضروری ہے، لڑکیاں بھی اس شعبے میں لڑکوں کے برابر اچھی کارکردگی دکھا رہی ہیں‘۔
Aava Murto spoke about girls and technology.
On October 7th Prime Minister @MarinSanna‘s seat was occupied by 16-year-old Murto for one day, as a part of Girls Takeover event organised by @PlanGlobal. #GirlsTakeover
Full text of the speech 👇https://t.co/YlJX9ObyaV pic.twitter.com/cnJAxhixyy
— Finnish Government (@FinGovernment) October 7, 2020