The news is by your side.

Advertisement

یو اے ای، خوفناک ٹریفک حادثہ، 1 جاں بحق، 10 زخمی

دبئی: متحدہ عرب امارات کی ریاست راس الخیمہ میں ہولناک ٹریفک حادثے میں ایک شخص جاں بحق اور 10 زخمی ہوگئے۔

غیرملکی خبررساں ادارے کی رپورٹ کے مطابق راس الخیمہ کے محمد بن زید روڈ پر مسافر بس الٹ گئی جس کے نتیجے میں 1 شخص جاں بحق اور 10 زخمی ہوگئے۔

پولیس کے مطابق حادثہ صبح 7 بجکر 27 منٹ پر پیش آیا جب ڈرائیور بس کو قابو نہ کرسکا اور بس قلابازیاں کھاتی ہوئی دور جاگری۔

رپورٹ کے مطابق مسافر بس فیکٹری ورکرز کو لے کر جارہی ہے تھی کہ حادثے کا شکار ہوگئی۔

عینی شاہدین کا کہنا ہے کہ حادثے کے 8 منٹ بعد ہی دو ایمبولینس نے ورکرز کو ریسکیو کیا اور بعدازاں 7 مزید ایمبولینس جائے وقوعہ پر پہنچیں۔

مزید پڑھیں: یو اے ای، مسافر بس اور ٹرک میں تصادم، 6 افراد جاں بحق

حادثے کے نتیجے میں زخمی ہونے والوں کو شیخ خلیفہ اور سقر اسپتال منتقل کیا گیا ہے، ایک زخمی کی حالت تشویش ناک ہونے کی وجہ سے ہیلی کاپٹر کی بھی مدد لی گئی۔

اسپتال انتظامیہ کے مطابق حادثے میں 2 زخمیوں کی حالت تشویش ناک ہے جبکہ باقی زخمیوں کو معمولی چوٹیں آئی ہیں۔

ابتدائی طور پر حادثے کی وجہ ڈرائیور کی غفلت اور رفتار کی حد کا مشاہدہ کرنے میں ناکامی بتائی گئی ہے۔

fb-share-icon0
Tweet 20

Comments

comments

یہ بھی پڑھیں