The news is by your side.

Advertisement

کراچی: مسجد میں فائرنگ سے پیش امام جاں بحق

کراچی : شہرِ قائد کے علاقے نیوکراچی میں نامعلوم افراد نے فائرنگ کرکے مسجد کے پیش امام کو قتل کردیا ، پولیس نے واقعےکی مختلف پہلوؤں سے تحقیقات کا آغاز کردیا گیا ہے۔

تفصیلات کے مطابق کراچی میں فائرنگ کے واقعات کا سلسلہ جاری ہے ، نیوکراچی میں محمدی مسجد میں فائرنگ کا واقعہ پیش آیا، فائرنگ کے نتیجے میں 60سالہ شخص جاں بحق ہوگیا۔

پولیس کا کہنا ہے کہ 60سالہ مقتول میر بخش پیش امام بتایا جاتا ہے، ابتدائی طور پر واقعہ ذاتی دشمنی کا شاخسانہ معلوم ہوتا ہے تاہم واقعے کی مختلف پہلوؤں سے تحقیقات کا آغاز کردیا گیا ہے۔

یاد رہے رواں ماہ کے آغاز میں کراچی کے علاقے شاہ لطیف قذافی ٹاؤن میں نامعلوم افراد نے فائرنگ کرکے پاکستانی نژاد امریکی شہری کو قتل کردیا تھا، مقتول سعیدمحمد کورہائشی عمارت کےقریب نشانہ بنایا گیا تھا۔

Comments

یہ بھی پڑھیں