کوئٹہ : بلوچستان کے ضلع قلات میں ایک عسکریت پسند ہلاک،پانچ گرفتار -
The news is by your side.

Advertisement

کوئٹہ : بلوچستان کے ضلع قلات میں ایک عسکریت پسند ہلاک،پانچ گرفتار

کوئٹہ : بلوچستان کے ضلع قلات میں سکیورٹی فورسز کی جانب سے کیے جانے والے سرچ آپریشن میں فائرنگ کے نتیجے میں ایک عسکریت پسند ہلاک اور پانچ افراد کو گرفتار کرلیاگیا.

تفصیلات کے مطابق کوئٹہ میں فرنٹیئر کور بلوچستان کے ترجمان کی جانب سے فراہم کردہ معلومات کے مطابق یہ سرچ آپریشن ضلع کے علاقے نیمرغ میں کیا گیا،سرچ آپریشن میں فائرنگ کے تبادلے میں ایک عسکریت پسند ہلاک ہوگیا جبکہ پانچ کو گرفتار کیا گیا.

آپریشن کے دوران فرنٹیئر کور کی جانب سے کیے گئے آپریشن میں گرفتار افراد کے قبضے سے 7رائفلیں اور دیگر اسلحہ بھی برآمد کیا گیا ہے.

وزیراعلیٰ بلوچستان نواب ثنا اللہ زہری نے اس کارروائی پر اطمینان کا اظہار کرتے ہوئے ایف سی کی کارکردگی کو سراہا ہے،انہوں نے کہا کہ دہشت گرد عناصر،ان کے سرپرستوں اور سہولت کاروں کو بلوچستان میں چھپنے کی جگہ نہیں ملے گی.

Comments

comments

یہ بھی پڑھیں