کراچی : تیز رفتار کار پیٹرول پمپ میں جا گھسی، حادثے کے نتیجے میں آئی بی اے کا طالب علم جاں بحق ہوگیا جبکہ دو زخمی ہوئے۔
تفصیلات کے مطابق کراچی میں شارع فیصل گرین بیلٹ کے قریب تیز رفتار کار پیٹرول پمپ میں جا گھسی، حادثے کے نتیجے میں ایک جاں بحق دو زخمی ہوگئے۔
پولیس حکام نے بتایا کہ جاں بحق احسن آئی بی اے کا طالب علم ہے جبکہ زخمیوں میں عمار اور فراز شامل ہیں۔
پولیس کی نفری نے تفتیش شروع کر دی ہے ، حادثے کے نتیجے میں کار اور پیٹرول پمپ کو نقصان پہنچا،
پولیس حکام نے بتایا کہ کار پیٹرول پمپ کا بورڈ توڑتے ہوئے پنکچر شاپ میں جا گھسی تھی، کار کی رفتار انتہائی تیز تھی، جاں بحق اور زخمی تینوں کی عمریں19 سے 20 سال کے قریب ہیں۔
