The news is by your side.

Advertisement

کراچی : بس کی ٹکر سے ایک شخص جاں بحق، مشتعل افراد نے بس جلادی

کراچی: پاورہاؤس چورنگی پر بس کی ٹکر سے ایک شخص جاں بحق ہوگیا ، جس کے بعد مشتعل افرادنےبس کوآگ لگادی اور ڈرائیورکو پکڑ کر پولیس کے حوالے کردیا۔

تفصیلات کے مطابق کراچی میں ٹریفک کا افسوسناک حادثہ پیش آیا ہے، جہاں پاورہاؤس چورنگی پر بس کی ٹکر سے ایک شخص جاں بحق ہوگیا ، اس موقع پر مشتعل افراد نے بس کوآگ لگادی ، جس کے بعد فائربریگیڈ طلب کرلی گئی۔

مشتعل افراد نے ڈرائیور کوپکڑکرپولیس کےحوالےکردیا تاہم بس کے اندر آگ لگنے کے بعد دھماکے سے خوف وہراس پھیلا گیا۔

پاور ہاؤس پر ٹریفک حادثے کے حوالے سے عینی شاہد نے بتایا کہ بس ڈرائیور بہت تیزرفتاری سےآرہاتھا، ٹوکن کے لیے پہنچنے کےلئےڈرائیورتیز رفتاری کرتے ہیں جبکہ ٹریفک پولیس بس ڈرائیوروں کو روکنے کے بجائے رشوت لیکر چھوڑ دیتی ہے۔

یاد رہے گذشتہ سال کراچی کے علاقے ناظم آباد نمبر 7 میٹرک بورڈ آفس کے قریب ٹریفک حادثہ پیش آیا تھا ، جس میں باپ بیٹی جاں بحق جبکہ دو سالہ بچہ زخمی ہوا تھا۔

ریسکیو ذرائع کے مطابق حادثہ واٹرٹینکر کی تیز رفتاری کے باعث پیش آیا، ڈرائیور نے موٹرسائیکل سوار کو ٹکر ماری جس کے نتیجے میں باپ، بیٹی موقع پر ہی جاں بحق ہوگئے تھے۔

Comments

یہ بھی پڑھیں