The news is by your side.

Advertisement

کوویکس کی فراہم کردہ چینی ساختہ کورونا ویکسین کی کھیپ پاکستان پہنچ گئی

اسلام آباد : کوویکس کی فراہم کردہ چینی ساختہ کورونا ویکسین کی کھیپ پاکستان پہنچادی گئی ، کوویکس کی جانب سے 10 لاکھ سائنوفام ڈوز فراہم کی گئی ہیں۔

تفصیلات کے مطابق کوویکس کی فراہم کردہ ویکسین کھیپ پاکستان پہنچادی گئی، ذرائع کا کہنا ہے کہ غیر ملکی ایئرلائن چینی ساختہ کورونا ویکسین لیکر اسلام آباد پہنچی، کوویکس کی جانب سے 10 لاکھ سائنوفام ڈوز فراہم کی گئی ہیں۔

ذرائع نے کہا ہے کہ ویکسین کھیپ ایئرپورٹ سے فیڈرل ای پی آئی کے مرکزی ویئر ہاؤس منتقل کی جائے گی ، چین نے کوویکس کو ایک کروڑ سائینوفام ڈوز فراہم کی ہیں۔

کوویکس رواں ہفتے پاکستان کو 61 لاکھ سائنوفام ڈوز فراہم کرے گا، کوویکس سے پاکستان کو سائنوفام ویکسین پہلی بار مل رہی ہے جبکہ کوویکس پاکستان کو تاحال81 لاکھ ویکسین ڈوز فراہم کر چکا ہے۔

ذرائع کے مطابق کوویکس سےپاکستان کو 55 لاکھ موڈرنا،25 لاکھ آسٹرازنیکا ڈوز ملی ہیں جبکہ کوویکس پلیٹ فارم سے پاکستان کو ایک لاکھ فائزر ویکسین ڈوز مل چکی ہیں۔

خیال رہے پاکستان کورونا ویکسین سےمتعلق عالمی پلیٹ فارم کوویکس کارکن ہے،کوویکس پاکستان کی 20 فیصد آبادی کو مفت ویکسین فراہم کرے گا۔

Comments

یہ بھی پڑھیں