The news is by your side.

Advertisement

انسٹاگرام ویڈیوز: صارفین کے لیے بڑی خوش خبری

انسٹاگرام نے اپنے صارفین کو بڑی خوش خبری دی ہے، سوشل نیٹ ورکنگ سروس نے اب طویل ویڈیوز کی آزمائش بھی شروع کر دی ہے۔

انسٹاگرام کا کہنا ہے کہ اب 15 سیکنڈز کی بجائے ایک منٹ کی ویڈیو دیکھنا بھی ممکن ہے، اس سلسلے میں طویل ویڈیوز کی آزمائش جاری ہے۔

انسٹاگرام اسٹوریز میں اس نئے فیچر کے شامل ہونے سے صارفین کی ایک دیرینہ خواہش پوری ہو جائے گی، فی الوقت اس نئے فیچر کا ٹیسٹ کیا جا رہا ہے۔

انسٹاگرام پر زیادہ وقت گزارنے والے صارفین کے لیے نیا فیچر

انسٹاگرام انتظامیہ کے مطابق نئے فیچر کا مقصد یہ ہے کہ لوگ بغیر کسی تعطل کے ویڈیو دیکھ سکیں اور انھیں پوسٹ کر سکیں، اس فیچر میں ویڈیو لائیو بھی دکھائی جا سکے گی۔

واضح رہے کہ انسٹاگرام اسٹوری پر اگر آپ نے ایک منٹ کی ویڈیو شیئر کرنی ہے تو آپ اسے 15 سیکنڈز کے ٹکڑوں میں ہی لگا سکتے ہیں، اس ویڈیو کو اسٹوری کے سنگل فریم میں نہیں چلایا جا سکتا، لیکن اب ایک منٹ کی ویڈیو سنگل اسٹوری میں لگائی جا سکے گی۔

Comments

یہ بھی پڑھیں