کراچی : معروف قوال امجد صابری کی رہائش گاہ سے مشکوک شخص کو گرفتار کر کے مزید تفتیش کے لئے نامعلوم مقام پر منتقل کردیا گیا۔

تفصیلات کے مطابق امجد صابری کیس میں تعینات ہونے والے نئے تفتیشی افسر محسن زیدی نے چارج لیتے ہی نئے سر ے سے تفتیش کا آغاز کیا اور شہید کے اہل خانہ کا بیان ریکارڈ کرنے ان کے گھر پہنچے ۔

اس دوران اہل خانہ سے تعزیت کے لئے  آئے ایک شخص کو پولیس نے حراست میں لے کر منہ پر کپٹرا ڈالا اور نامعلوم مقام پر منتقل کردیا ، ذرائع کے مطابق  گرفتار ہونے والے شخص کی شناخت  طبلہ نواز سلیم چند اکے نام سے ہوئی ہے۔

تفتیشی ذرائع نے اس بات کی تصدیق کی ہے کہ گرفتار ہونے والا شخص حادثے کے وقت امجد صابری کے ساتھ موجود تھا اور اُس میں معمولی زخمی ہوئے تھے، پولیس حکام کے مطابق ملزم کو تحقیقات میں پیشرفت کے لئے اٹھایا گیا ہے۔

مزید پڑھیں :   معروف قوال امجد صابری قاتلانہ حملے میں جاں بحق