site
stats
پاکستان

لانچ پر چھاپہ:1ارب روپے کی منشیات برآمد، 12 اسمگلر گرفتار

کراچی: محکمہ کسٹم اور میری ٹائم سیکیورٹی ایجنسی نے سمندر میں کارروائی کرتے ہوئے ایک ارب روپے مالیت کی 100کلو گرام وائٹ کرسٹل منشیات پکڑلی اور 12 اسمگلر کو گرفتار کرلیا۔

اے آر وائی نیوز کے نمائندے انجم وہاب نے بتایا کہ پاکستان میری ٹائم سیکیورٹی ایجنسی اور پاکستان کسٹم کی انٹیلی جنس فورسز کو خفیہ ذرائع سے معلومات حاصل ہوئیں کہ سمندر کے راستے سو کلو گرام وائٹ کرسٹل منشیات بیرون ملک اسمگل کی جانی ہے۔

mary-time-post-1

اطلاع ملنے پر دونوں ایجنسیز نے سمندر میں نگرانی سخت کردی، بالآخر 18 دسمبر کی رات کو ایک مشکوک بوٹ نظر آئی جس کا تعاقب کیا گیا اور چھاپہ مارا تو بوٹ سے 100 کلو گرام وائٹ کرسٹل منشیات برآمد ہوئی۔

یہ منشیات یہاں سے افریقا اور وہاں سے یورپ اور امریکا جانی تھی، عالمی منڈی میں اس کی مالیت ایک ارب روپے بتائی جاتی ہے، یہ بہت اعلیٰ معیار کی نارکوٹکس ہے۔

میری ٹائم سیکیورٹی ایجنسی کے ترجمان نے بتایا کہ اس ضمن میں 12 اسمگلرز کو حراست میں لے لیا گیا ہے، مزید تفتیش کے لیے ان افراد اور منشیات کو کسٹم انٹیلی جنس کے حوالے کردیا گیا ہے۔

انہوں نے مزید بتایا کہ سی پیک کے حوالے سے سمندر بالخصوص مکران کوسٹل کے علاقے کو محفوظ بنانے کے لیے اپنی ذمہ داریوں کو سمجھتے ہوئےاس قسم کی کارروائیوں میں اضافہ کردیا گیا ہے گزشتہ تین ماہ میں یہ تیسری بڑی کارروائی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top