site
stats
انٹرٹینمںٹ

ایک سال میں علیحدہ ہونے والے پاکستانی اسٹارز کے جوڑے

کراچی: پاکستان فلم اور ڈرامہ انڈسٹری میں طلاق اور خلع لینے کا رجحان عام ہوگیا، گزشتہ کچھ عرصے میں کئی شوبز جوڑوں کے تعلقات لڑائی اور جھگڑے کی بنیاد پر ختم ہوئے۔

تفصیلات کے مطابق پاکستانی شوبز کے ستارے گردش میں ہیں، پاکستان انٹرٹینمنٹ انڈسٹری میں طلاق اور خلع لینے کا رجحان ایک سال میں کافی زیادہ دیکھنے میں آیا۔

بے باک اداکاری سے شہرت کی بلندیوں پر پہنچنے والی وینا ملک نے اپنے شوہر سے خلع لینے کے لیے عدالت میں درخواست جمع کروانے کی خبریں منظر عام پر آئیں تو شوبز حلقوں میں ہلچل مچ گئی۔

اسی طرح تین مہینے قبل معروف گلوکارہ فریحہ پرویز اور نعمان جاوید کی راہیں جدا ہوئیں، میاں بیوی کے تعلقات ایک سال میں ہی ختم ہوگئے۔

اس سے پہلے حمیرا ارشد اور احمد بٹ  کے درمیان علیحدگی کی خبریں زینت بنی رہیں اور حمیرہ ارشد نے صلح کے بعد دوبارہ خلع کا دعویٰ دائر کیا اور شوہر پر جائیداد ہڑپنے کے الزام بھی لگایا۔

اداکارہ نور اور ان کے نئے نئے دُلہا ولی حامد علی خان  کے درمیان بھی لڑائی کی خبریں آئیں، ذرائع کے مطابق بات  علیحدگی تک بھی پہنچی جبکہ معروف اسٹیج اداکارہ نرگس اور پروڈیوسر زبیر شاہ کے درمیان بھی علیحدگی ہو چکی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top