The news is by your side.

Advertisement

سندھ حکومت کا سرکاری اسکولوں میں بچوں کیلئے آن لائن کلاسیں شروع کرنے کا اعلان

کراچی : سندھ حکومت نے سرکاری اسکولوں میں بھی بچوں کیلئے آن لائن کلاسیں شروع کرنے کا اعلان کردیا ، چھٹی جماعت سے 12ویں تک کے طلبا کو آن لائن کلاسز دی جائیں گی۔

تفصیلات کے مطابق لاک ڈاون کے کم و بیش تین ماہ مکمل ہونے کے بعد سرکاری اسکولزکوبھی آن لائن ایجوکیشن کاخیال آگیاہے، سیکریٹری تعلیم نےسرکاری اسکولزکیلئےآن لائن کلاسز کی ہدایت دے دی۔

سیکریٹری تعلیم سندھ کے جاری کردہ نوٹیفکیشن کے مطابق چھٹی جماعت سے 12ویں تک آن لائن کلاسز دی جائیں گی، یونیسیف اور مائیکروسافٹکی مدد سے آن لائن کلاسز شروع کی جائے گی، 75 ماسٹر ٹرینر اساتذہ کو آن لائن کلاسز کے لئے ٹریننگ دیں گے۔

سیکریٹری تعلیم کی تمام ضلع کے ڈائیریکٹرز کو 17 جون تک اساتذہ و طلبہ کا ڈیٹا پیش کرنے کی ہدایت دی ہے ، آن لائن سیشن کے لئے آئی ٹی کے ماہرین کو بھی رکھا جا رہا ہے۔

حکومت سندھ کے اس اقدام کے بعد اب سندھ بھر کے اسکولوں اور کالجوں کے لاکھوں طلبہ و طالبات آن لائن تعلیم حاصل کرسکیں گے، ڈیٹا مکمل ہونے کے بعد محکمہ تعلیم کے تمام افسران کو فوری طور پر آن لائن کلاسیں شروع کرنے کا عمل مکمل کرنا ہوگا ،جس کی رپورٹ محکمہ تعلیم کو بھی دی جائے گی۔

fb-share-icon0
Tweet 20

Comments

comments

یہ بھی پڑھیں