The news is by your side.

Advertisement

سعودی عرب: نئے تعلیمی سال کا آن لائن آغاز

ریاض: سعودی عرب میں 30 اگست سے نئے تعلیمی سال کا آن لائن آغاز ہونے جارہا ہے، نئے تعلیمی سال کے پہلے 7 ہفتے آن لائن ہوں گے۔

سعودی ویب سائٹ کے مطابق سعودی عرب میں نئے تعلیمی سال کا آغاز آن لائن کیا جائے گا، مذکورہ فیصلہ متعلقہ اداروں سے مشاورت کے بعد کیا گیا ہے۔

سعودی وزیر تعلیم ڈاکٹر حمد بن محمد آل شیخ کا کہنا ہے کہ نئے تعلیمی سال کے لیے کرونا وائرس سے بچاؤ کے لیے مختلف وزارتوں سے مشاورت کے بعد یہ فیصلہ کیا گیا ہے کہ تمام تعلیمی اداروں میں نئے سال کا آغاز آن لائن کیا جائے گا۔

وزیر تعلیم کی جانب سے کہا گیا کہ نئے تعلیمی سال کے پہلے 7 ہفتے آن لائن ہوں گے، بعد ازاں حالات کا جائزہ لے کر اور متعلقہ وزارتوں کے مشورے سے اسکول کھولنے کے بارے میں فیصلہ کیا جائے گا۔

انہوں نے کہا کہ جامعات اور ٹیکنیکل اسکولوں کے طلبہ جنہیں اپنے کورسز کے لیے عملی نصاب کی ضرورت ہوگی انہیں استثنیٰ دیا جائے گا، نیا تعلیمی سال 30 اگست سے شروع ہو رہا ہے۔

سعودی وزیر تعلیم کرونا وائرس کے بعد سے خود آن لائن تدریسی انتظام کی نگرانی کر رہے ہیں۔

Comments

یہ بھی پڑھیں