The news is by your side.

Advertisement

آن لائن گیمز کھیلنے والے ہوجائیں ہوشیار!

دبئی: مفت آن لائن گیمز کھیلنے کے شوقین افراد ہوجائیں ہوشیار! کیونکہ بعض ایپس مفت گیمز فراہمی کی آڑ میں آپ کی پرائیویسی اور ڈیٹا چوری کررہی ہیں۔

مفت موبائل ایپلی کیشنز استعمال کرنے میں محتاط رہیں، خصوصاً ویڈیو گیمز والی ایپس میں دی گئی ہدایات اورعبارت کا بغور جائزہ لیں پھر اسے اپنی مرضی اور سہولت سے ڈاؤن لوڈ کریں۔

آن لائن ڈیٹا چوری کے حوالے سے دبئی پولیس نے بھی صارفین کو رہنمائی فراہم کرتے ہوئے خبردار کیا ہے کہ فری آن لائن گیمز کی بعض ایپس ڈیٹا چوری کررہی ہیں۔

سماجی رابطے کی ویب سائٹ پرشیئر کی گئی پوسٹ میں دبئی پولیس نے ڈیٹا چوری کرنے والے گیمز کی نشاندہی کی ہے اور بتایا ہے کہ بعض مشہور ایپس ڈیٹا جمع کرکے نہ صرف رازداری کی خلاف ورزی کررہی ہیں بلکہ صارفین کے ذاتی معلومات کی رسائی سے منافع بھی کمارہی ہیں۔

دبئی پولیس کا کہنا ہے کہ صارفین احتیاط سے کام لیتے ہوئے اپنے اہل خانہ اور دوست احباب کو اس میں متعلق آگاہی فراہم کریں۔

Comments

comments

یہ بھی پڑھیں