site
stats
صحت

آن لائن گیمز بچوں کی تعلیمی استعداد بڑھانے میں معاون

آسٹریلیا میں کی جانے والی ایک تحقیق کے مطابق بچوں کا آئن لائن گیمز کھیلنا ان کے اسکول کے نتائج کو بہتر کرتا ہے۔ البتہ سوشل میڈیا کا استعمال اس کے برعکس اور منفی اثرات مرتب کرتا ہے۔

یہ تحقیق بچوں میں انٹرنیٹ کے استعمال اور ان کے اسکول کے نتائج کے درمیان تعلق کو دیکھنے کے لیے کی گئی۔ ماہرین نے دیکھا کہ وہ بچے جو اپنا زیادہ وقت سوشل میڈیا جیسے فیس بک، ٹوئٹر، اسنیپ چیٹ وغیرہ پر گزارتے تھے انہوں نے اپنے اسکول میں کم کارکردگی کا مظاہرہ کیا اور مختلف مضامین میں کم نمبر حاصل کیے۔

سبزہ زار بچوں کی ذہنی استعداد میں اضافے کا سبب *

دوسری جانب ماہرین یہ جان کر حیران رہ گئے کہ وہ بچے جو آن لائن گیمز کھیلتے تھے ان کے اسکول کے تنائج دوسرے بچوں کی نسبت بہتر تھے۔ انہوں نے حساب اور سائنس کے مضامین میں بہترین نمبرز حاصل کیے۔

ماہرین نے مطابق ابھی اس کا تعین کرنا باقی ہے کہ آن لائن گیمز بچوں کی ان مضامین میں استعداد کو بڑھاتے ہیں یا ان مضامین میں دلچسپی بچوں کو آن لائن گیمز کی طرف راغب کرتی ہے۔

دوران حمل پھلوں کا استعمال بچوں کی ذہنی استعداد میں اضافے کا سبب *

ماہرین نے اس کی توجیہہ یہ پیش کی کہ آن لائن گیمنگ بچوں میں مختلف پزل حل کرنے، اپنے بچاؤ کرنے اور بروقت درست فیصلہ کرنے کی صلاحیت کو بڑھاتی ہے جس سے وہ تعلیم سمیت زندگی کے ہر شعبہ میں بہتر کارکردگی کا مظاہرہ کرتے ہیں۔

اس سے قبل آن لائن گیمنگ کو بچوں کی دماغی صحت کے لیے مضر قرار دیا جاچکا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top