The news is by your side.

Advertisement

سعودی عرب: کاروباری اداروں کے لیے آن لائن سروس کا آغاز

ریاض: سعودی وزارت انصاف نے تجارتی اداروں کے لیے آن لائن سروس شروع کردی، یہ پورٹل ڈیجیٹل تبدیلی کے حصول کے لیے مملکت کی جانب سے کی جانے والی کوششوں کا ایک حصہ ہے۔

سعودی ویب سائٹ کے مطابق سعودی وزارت انصاف نے تجارتی اداروں کے لیے اپنے ناجز پورٹل کے ذریعے آن لائن سروس شروع کر دی ہے۔

اس خدمت سے اداروں اور کمپنیوں کو کسی پریشانی کے بغیر اپنی قانونی ضروریات اور دستاویزات آن لائن مکمل کرنے میں مدد ملے گی۔

کسی بھی قسم کے کاروبار کے لیے وزارت انصاف کے ناجز پورٹل پر ایک اکاؤنٹ بنانا ضروری ہوگا تاکہ تمام قسم کی عدالتی خدمات حاصل کی جا سکیں۔

بزنس انٹر پرائزز اکاؤنٹس ای سروس متعدد نوعیت کی خدمات پیش کرتی ہے جن میں کسی بھی زیر التوا درخواستوں کی حیثیت کے بارے میں استفسار کی سہولت شامل ہے، ان ای سروس اکاؤنٹس کو قانونی طور پر مقرر کیے جانے والے نمائندوں کے ذریعے سنبھالا جاسکتا ہے۔

یہ پورٹل عدالتی کارروائی کو یکجا کرنے اور ڈیجیٹل تبدیلی کے حصول کے لیے مملکت کی جانب سے کی جانے والی کوششوں کا ایک حصہ ہے، نیا پورٹل مملکت کی تمام عدالتوں میں اختیار کردہ طریقہ کار کی تنظیم نو کے بعد ترتیب دیا گیا ہے۔

Comments

یہ بھی پڑھیں