ریاض: سعودی عرب کے وزیرتوانائی خالد الفالح نے کہا ہے کہ روس نے اوپیک معاہدے میں توسیع کے لیے کوئی اقدام نہیں کیا۔
تفصیلات کے مطابق سعودی عرب کے توانائی اور پٹرولیم کے وزیر خالد الفالح نے کہا ہے کہ روس کی طرف سے تیل کی پیداوار بڑھانے کے حوالے سے اوپیک کے رکن ممالک میں طے پائے معاہدے میں توسیع کے لیے کوئی قدم نہیں اٹھایا ہے۔
غیر ملکی خبر رساں ادارے کے مطابق اوپیک کے تمام رکن ممالک نے رواں سال کے اختتام تک تیل کی پیدوارا بڑھانے کے لیے ایک سمجھوتہ کیا تھا تاہم اس میں مزید توسیع کے لیے کوئی اقدام نہیں کیا گیا۔
اپنے دورہ روس کے دوران ماسکو میں ایک پریس کانفرنس سے خطاب میں سعودی وزیر نے کہا کہ وہ تیل کی پیدواوار بڑھانے کے حوالے سے اوپیک کے رکن ممالک میں طے پائے سمجھوتے میں توسیع کے لیے اپنے روسی ہم منصب الیکذنڈر نوفاک سے بات کریں گے۔
شاید رواں ماہ جاپان میں جی 20اجلاس میں اس موضوع پر بات چیت کا آخری موقع ہوگا۔ اس سے قبل ویانا میں اوپیک کے رکن ممالک کا خصوصی اجلاس ہوگا۔
امریکی صدر ٹرمپ کا اوپیک سے تیل کی پیداوار بڑھانے کا مطالبہ
خالد الفالح کا کہنا تھا کہ سعودی عرب کی آئل کمپنی ارامکونوفاک کے ساتھ قدرتی گیس کے قطب شمالی میں پروجیکٹ کے حوالے سے ایک معاہدہ کرنا چاہتی ہے۔ توقع ہے کہ روس آرامکوکی تجاویزقبول کرے گا۔
