The news is by your side.

Advertisement

بنوں اور لکی مروت کے سرحدی علاقوں میں آپریشن، 2 دہشت گرد ہلاک

پشاور: صوبہ خیبر پختونخوا کے شہر بنوں اور لکی مروت میں پولیس نے آپریشن کے دوران 2 دہشت گردوں کو ہلاک کر دیا۔

تفصیلات کے مطابق پولیس نے خیبر پختونخوا میں بنوں اور لکی مروت کے سرحدی علاقوں میں آپریشن کے دوران 2 مطلوب دہشت گردوں کو ہلاک کر دیا۔

پولیس حکام نے بتایا کہ ہلاک دہشت گروں سے ریموٹ کنٹرول آئی ڈی ،دستی بم،اسلحہ برآمد کیا گیا۔ہلاک دہشت گرد کےپی پولیس کو دہشت گری کے 5 واقعات میں مطلوب تھے۔

اس سے قبل گزشتہ ہفتے مردان پولیس نے ملحقہ پہاڑوں میں روپوش ملزمان کے خلاف آپریشن کیا تھا جس میں ہیڈ کانسٹیبل باسط کو قتل کرنے والا اشتہاری ملزم مارا گیا تھا۔

مردان آپریشن: ہیڈ کانسٹیبل باسط کو قتل کرنے والا اشتہاری ملزم ہلاک

مرادن پولیس کا کہنا تھا کہ ہلاک ملزم قتل،رہزنی کے مقدمات میں مطلوب تھا۔ملزم کے قبضے سے اسلحہ،دستی بم برآمد کیا گیا تھا۔

یاد رہے کہ 29 مئی کو خیبرپختونخوا کے ضلع بٹگرام میں حبس بے جا میں رکھے ہوئے افراد کی بازیابی کی کوشش کے دوران ایک شہری نے اپنے ہی خاندان کے 5 افراد کو قتل کر دیا تھا۔پولیس کا کہنا تھا کہ مسلح شخص کے ساتھ فائرنگ کے تبادلے کے دوران 3 بچوں کو بحفاظت نکال لیا گیا تھا۔

Comments

یہ بھی پڑھیں