تازہ ترین

شمالی وزیرستان میں آپریشن، 4 دہشت گرد مارے گئے، 2 سپاہی شہید

راولپنڈی: شمالی وزیرستان میں سیکیورٹی فورسز کے آپریشن کے دوران 4 دہشت گرد مارے گئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے میر علی میں دہشت گردوں کے ٹھکانے پر آپریشن کیا۔

ترجمان پاک فوج کے مطابق دہشت گردوں کی جانب سے سیکیورٹی فورسز پر فائرنگ کی گئی، فائرنگ کے تبادلے میں 4 دہشت گرد مارے گئے۔

آئی ایس پی آر کا کہنا ہے کہ آپریشن میں نائب صوبیدار امین اللہ اور سپاہی شیر زمین شہید جبکہ 4 جوان زخمی ہوگئے۔

ترجمان پاک فوج کا کہنا ہے کہ مارے گئے دہشت گرد اغوا برائے تاوان اور فورسز پر حملوں میں مطلوب تھے۔

مزید پڑھیں: لوئر دیر میں سیکیورٹی فورسز کا آپریشن، 3 دہشت گرد مارے گئے

واضح رہے کہ دو روز قبل پاک افغان بارڈر پر لوئر دیر کے قریب آپریشن کے دوران 3 دہشت گرد مارے گئے تھے، آپریشن کے دوران بڑی تعداد میں ہتھیار، گولیاں اور گرینیڈ برآمد کیے گئے تھے۔

ترجمان پاک فوج کا کہنا تھا کہ مارے جانے والے دہشت گرد 2019 میں سوات میں قتل کی وارداتوں میں ملوث تھے، دہشت گرد ملک کے کئی اہم عمائدین کو نشانہ بنانے کی پلاننگ کررہے تھے۔

یاد رہے کہ 24 جنوری کو سیکیورٹی فورسز نے شمالی وزیرستان کے علاقے میر علی میں خفیہ آپریشن کیا جس کے دوران 5 دہشت گرد مارے گئے تھے۔

Comments

- Advertisement -