The news is by your side.

Advertisement

شمالی وزیرستان میں آپریشن، دہشتگرد ہلاک، 2 جوان شہید

شمالی وزیرستان میں سیکورٹی فورسز کے آپریشن میں ایک دہشتگرد مارا گیا ہے جب کہ فائرنگ کے تبادلے میں 2 ‏جوان شہید ہو گئے۔

آئی ایس پی آر کے مطابق سیکورٹی فورسز نے شمالی وزیرستان کےعلاقے میران شاہ دہشتگردوں کی موجودگی کی ‏اطلاع پر آپریشن کیا تو اس دوران فائرنگ کے تبادلےمیں ایک دہشت گرد مارا گیا۔ آپریشن میں برآمد ہتھیار اور ‏گولیاں بھی تحویل میں لےلی گئیں۔

فائرنگ کےتبادلے میں نائیک خلیل اور سپاہی شاکراللہ شہید ہو گئے۔ 34سال کے نائیک خلیل کا تعلق خیبر ‏پختونخوا کے شہر کوہاٹ سے ہے جب کہ 21سال کے سپاہی شاکراللہ کا تعلق لکی مروت سے ہے۔

اس سے قبل 18 اکتوبر کو شمالی وزیرستان کے علاقے اسپن وام میں فورسز کی چیک پوسٹ پر نامعلوم دہشت ‏گردوں نے فائرنگ کی، فورسز کی جانب سے دہشت گردوں کو فوری اور جوابی ردعمل دیا گیا اور ان کے ٹھکانوں پر ‏جوابی فائرنگ کی گئی۔ دہشت گردوں سے فائرنگ کے تبادلے میں پچیس سالہ سپاہی سیف اللہ نے جام شہادت ‏نوش کیا۔

یاد رہے بارہ اکتوبر کو فورسز نے شمالی وزیرستان کےعلاقےمیر علی میں خفیہ اطلاعات پر آپریشن کیا تھا ، جس ‏میں ایک دہشت گردماراگیا تھا جبکہ ہلاک دہشت گرد کے قبضے سے ہتھیار اور گولیاں برآمد ہوئی تھیں۔

Comments

یہ بھی پڑھیں