آپریشن ردالفساد جاری، پنجاب سے 71 افراد گرفتار Raadul Fasad
The news is by your side.

Advertisement

آپریشن ردالفساد جاری، پنجاب سے 71 افراد گرفتار

راولپنڈی: آپریشن ردالفساد میں سیکیورٹی فورسز کی کامیابیوں کا سلسلہ جاری ہے، آئی ایس پی آر کے مطابق اسلام آباد اور پنجاب کے مختلف شہروں میں کارروائیوں کے دوران 14 افغان باشندوں سمیت 71 مشتبہ افراد کو گرفتار کرلیا گیا۔

پاک فوج کے تعلقات عامہ سے جاری اعلامیے میں کہا گیا ہے کہ آپریشن ردالفساد کے تحت گزشتہ 2 روز میں سیکیورٹی فورسز نے پنجاب کے مختلف علاقوں اور اسلام آباد میں کارروائیاں کیں۔

سیکیورٹی فورسز کی کارروائیوں کے نتیجے میں 14 افغان باشندوں سمیت 71 افراد کو گرفتار کیا گیا جن کےقبضے سے اسلحہ اور منشیات بھی برآمد کی گئی۔آئی ایس پی آر سے جاری اعلامیے کے مطابق کارروائیاں اسلام آباد، سیالکوٹ، نارووال، لاہور، ڈی جی خان اور راجن پور میں کی گئیں جن میں پنجاب رینجر، پولیس اور حساس ادارے کے اہلکاروں نے بھی حصہ لیا۔

یاد رہے ملک میں دہشت گردوں کے مکمل خاتمے کے لیے آپریشن ضرب عضب کے بعد سیاسی و عسکری قیادت نے ردالفساد آپریشن کے آغاز کا اعلان کیا ہے، جس کا مقصد ملک سے فسادیوں کا خاتمہ ہے۔

Comments

comments

یہ بھی پڑھیں