آپریشن ردالفساد: دہشت گردوں سمیت26سہولت کارگرفتار -
The news is by your side.

Advertisement

آپریشن ردالفساد: دہشت گردوں سمیت26سہولت کارگرفتار

راولپنڈی : آپریشن ردالفساد میں فیصل آباد سے دہشت گردوں کے چھبیس سہولت کار گرفتار کر لیے گئے جبکہ گوجرانوالہ سے تین دہشت گرد اور بہاولپورسے کالعدم تنظیم کے دہشت گرد کو حراست میں لے لیا گیا۔

تفصیلات کے مطابق ملک بھر میں فساد پھیلانے والوں کے خلاف آپریشن ردالفساد پوری قوت سے جاری ہے۔ فیصل آباد اور اس کے گردونواح میں پنجاب رینجرز، پولیس، سی ٹی ڈی انٹیلی جنس اوردیگرایجنسیوں نے کامیاب کارروائیاں کرکے متعدد دہشت گردوں کو گرفتار کرلیا۔

ترجمان رینجرزکے مطابق آپریشن میں دہشت گردوں کے چھبیس سہولت کار پکڑے گئے ہیں۔ ملزمان سے اسلحہ، بھاری مقدار میں بارودی مواد برآمد ہوا ہے۔

گوجرانوالہ میں سی ٹی ڈی نے کارروائی کرکے تین مبینہ دہشت گردوں کو گرفتار کرلیا، دہشت گرد حساس تنصیبات کو نشانہ بنانا چاہتے تھے۔

گرفتاردہشت گردوں میں سمیع اللہ، یوسف طارق اورمنصوراحمد شامل ہیں۔ دہشت گردوں سے خودکش جیکٹس، کولربم، پائپ بم، پرائماکارڈز اور بھاری تعداد نقدی برآمد ہوئی ہے۔

علاوہ ازیں بہاولپور میں سی ٹی ڈی نے جیل روڈ پر کارروائی کرکے کالعدم تنظیم کےدہشت گرد ندیم اقبال کودھر لیا۔ دہشت گرد کے قبضے سے ڈھائی کلو دھماکا خیز مواد، جیکٹ،ڈیوائسز برآمد ہوئی ہیں، مذکورہ دہشت گرد حساس مقامات پرتخریب کاری کی واردات کرنا چاہتا تھا۔

Comments

comments

یہ بھی پڑھیں