The news is by your side.

Advertisement

آپریشن ردالفساد، فورسز کی کراچی تاخیبر کارروائیاں، درجنوں افراد گرفتار

اسلام آباد : آپریشن ردالفساد کے تحت فورسز کی کراچی تاخیبر کارروائیاں جاری ہیں، وفاقی دارلحکومت سمیت دیگر شہروں سے درجنوں مشکوک افراد گرفتار کر لئے گئے جبکہ آپریشنز میں بڑی مقدار میں اسلحہ بھی پکڑا گیا۔

تفصیلات کے مطابق ہر قسم کے فسادیوں کو نیست و نابود کرنے کیلئے ملک بھر میں آپریشن ردالفساد جاری ہے، آپریشنز کے دوران پچاس سے زائد مشکوک افراد کو گرفتار کرلیا گیا، اسلام آباد سے رینجرز اور حساس ادارے نے دو رپیٹرز، سیون ایم ایم، بارہ بور کے دس پسٹلز اور طرح طرح کا اسلحہ پکڑا، اسلحے کی یہ کھیپ بارہ کہو کے علاقے سے فورسز کے ہاتھ آئی جبکہ گھر گھر تلاشی میں دس مشتبہ افراد اور ایک افغان کو گرفتار کرلیا گیا۔

پنجاب رینجرز اور حساس ادارے نے ڈیرہ غازی خان میں آپریشن کر کے چار دہشت گردوں کو پکڑلیا، ترجمان رینجرز کا کہنا ہے کہ دہشتگردوں کا تعلق کالعدم تنظیم سے ہے۔


مزید پڑھیں : آپریشن ردالفساد، درجنوں مشتبہ افراد گرفتار، اسلحہ برآمد


دنیا پور کے مختلف علاقوں میں فورسز نے کارروائی میں بیس سے زائد گھروں کی تلاشی کے دوران بارہ مشتبہ افراد کو گرفتار کیا ، مشکوک افراد کی بائیو میٹرک تصدیق کی گئی۔

حافظ آباد کے علاقوں جلال پور اور کسوکی میں گھر گھر تلاشی کے دوران چودہ ملزمان کو حراست میں لے کر اسلحہ اور منشیات برآمد کرلی گئی جبکہ دوران آپریشن نواسی مشتبہ افراد کے شناختی دستاویزات کی جانچ پڑتال کی گئی۔

کراچی پولیس نے سولجر بازار ، گلشن اقبال، گلستان جوہر، شارع فیصل، بہادرآباد، بلوچ کالونی میں کارروائیاں کرکے آٹھ غیرقانونی مقیم افغان باشندوں سمیت تیرہ ملزمان دھرلئے۔

اس سے قبل ڈیرہ غازی خان میں آپریشن ردالفساد کے دوران پانچ دہشت گرد ہلاک اور سات گرفتار کیے گئے، دہشتگردوں سے بھاری تعدادمیں اسلحہ بھی برآمد کیا گیا جبکہ لودھراں میں پولیس کاسرچ آپریشن انیس مشتبہ افرادگرفتار،بھاری تعداد میں غیرقانونی اسلحہ بھی ملا۔

 

Print Friendly, PDF & Email

Comments

comments

یہ بھی پڑھیں